Құқықтық ақпарат

1. «ТИКЕТС КЗ» жауапкершілігі шектеулі серіктестігі, Қазақстан Республикасы, Алматы қаласы, 050000, Әл-Фараби даңғылы, 17, т.е.үй 5д, "Нұрлы Тау" ӨҚҚ, 4Б блок, 5 қабат, бизнес-сәйкестендіру нөмірі: 150440006398, («Агенттік») мекен-жайы бойынша орналасқан заңды тұлға Сіздің құпия деректеріңізге құрметпен қарайды және Дербес деректерді қорғау туралы қолданыстағы Заңды (IKS), Дербес деректерді қорғау туралы ЕО-ның Бас Регламентін ("GDPR") және электрондық байланыс құпиялылығы туралы Заңды ("ESS") ұстанады. Төменде, сіз, біз жинайтын дербес деректердің түрімен, оларды өңдеу мақсатымен танысасыз, және де сіз кіріп,  https://tickets.kz/ («Веб-сайт») сайтын пайдаланған кезде қандай cookie-файлдар қолданылатынын білесіз.

2. Агенттіктің Дербес деректерді қорғау туралы осы Құпиялылық Саясаты сілтемесін басу арқылы көруге болатын Пайдаланушы Келісімінің ажырамас бөлігі болып табылады.

3. Агенттік Сіздің дербес деректеріңізді жоғалтуға, дұрыс пайдаланбауға, өзгертуге немесе жоюға қарсы техникалық және операциялық қорғаудың жалпы стандарттарын қолданады. БАҚ пен Интернеттегі ерекше аспектілер мен қауіптерді ескере отырып, Агенттік сіздің дербес деректеріңіздің толық қорғалуына кепілдік бере алмайды, бірақ дербес деректеріңізді барынша мүмкін деңгейде қорғауға барлық күш-жігерін жұмсайды.  

4. Дербес деректерді өңдеуге, сақтауға және пайдалануға қатысты барлық мәселелер бойынша Қолдау Қызметіне  байланысыңыз немесе өтінімді Агенттіктің мына мекен-жайына жіберіңіз: «ТИКЕТС КЗ» ЖШС, Қазақстан Республикасы, Алматы қаласы, 050000, Әл-Фараби даңғылы, 17, т.е.үй 5д, "Нұрлы Тау" ӨҚҚ, 4Б блок, 5 қабат.

5. Дербес деректер деген не? Дербес деректер - бұл деректердің пішіні мен форматына (мысалы, сіздің атыңыз, электрондық поштаңыздың мекенжайы, IP-адрес немесе Веб-сайтта қалдырған кері байланыс) қарамастан, сәйкестендірілген жеке адамға немесе сәйкестендіруге болатын жеке тұлғаға қатысты деректер.

6. Біз сіз туралы келесі дербес деректерді жинаймыз және өңдейміз: сіз Веб-сайтқа енгізген, кез келген басқа жолмен Қолдау қызметіне немесе Агенттікке ұсынған барлық ақпаратты қызмет көрсетуге немесе сізбен келісімшарттық қарым-қатынасты орындауға қажетті шекте ғана жинап, сақтаймыз. Бұдан әрі, дербес деректеріңіз осы Веб-сайтты пайдаланған кезде (мысалы, cookie-файлдар арқылы) автоматты түрде жиналып, өңделуі мүмкін.

Сіз Веб-сайтты пайдаланған кезде, біз, төмендегі дербес деректерді жинаймыз, аламыз, сақтаймыз және өңдейміз:

• аты, тегі, туған жылы, жынысы, азаматтығы, ұялы телефон нөмірі, пошталық мекен-жайы және электрондық пошта мекен-жайы;
• жеке басын куәландыруға қажетті құжаттар туралы деректер (мысалы, төлқұжат нөмірі және сериясы, оның қолданылу мерзімі);
• төлем картасы туралы деректер (төлем картасының нөмірі, жарамдылық мерзімі, CVC / CVV-код, сондай-ақ карта ұстаушының аты);
• жүйелік журнал файлдары (IP адрес, браузердің түрі, сілтемелер / шығу және URL-адресінің беттері, шертулер саны және Веб-сайтпен өзара әрекеттесу жолыңыз, домендік атаулар, мақсатты беттер/контент, Сәйкестендіргіш және құрылғының орналасқан жері);
• Профильдегі ақпарат (қызығушылықтар, сапар жоспарлары және сіз туралы басқа ақпарат);
• Пайдаланушы контенті (Веб-сайтта қалдыратын пікірлеріңіз бен түсіндірмелеріңіз);
• Пайдаланушының әрекеті (платформаңыздағы әрекеттер, кіріс уақыты мен орны, түсініктемелер және жүктелген файлдар);
• Веб-сайтқа өз еркіңізбен қалдырған кез келген басқа ақпарат.

Бұндай дербес деректер cookie-файлдар арқылы жиналуы мүмкін (төменге қараңыз).

Сондай-ақ, қызметтердің барынша жоғары деңгейін қамтамасыз ету үшін «құпия» дербес деректерді (мысалы, денсаулығыңыздың жағдайын немесе діни сенімдеріңізді анықтауға болатын ақпаратты) қамтуы мүмкін қосымша ақпаратты талап ете аламыз. Мұндай ақпарат автокөлік немесе қонақ үйдегі орынды таңдауға, тағам түрлеріне, қосымша ілесіп жүруді қажет етуге немесе қызметтерді пайдалану кезінде қосымша жабдықты пайдалануға байланысты сіздің қалауыңызбен байланысты болуы мүмкін.

Сондай-ақ, әлеуметтік желідегі (мысалы, Facebook) қолданыстағы профиліңіз арқылы тіркелу және есеп жазбасын жасау мүмкіндігін ұсынамыз. Бұл жағдайда кіру параметрлеріңіз (электрондық поштаның аты және мекен-жайы) есептік жазбаңыздан әлеуметтік желіге импортталады. Бұл опцияны пайдаланған кезде, тиесілі әлеуметтік желі арқылы сіздің атыңыз, жасыңыз, орналасқан жеріңіз, қызығушылықтарыңыз, кәсібіңіз және сіздің қоғамдық профиліңіздегі басқа ақпарат сияқты белгілі бір деректерді ала алатындығымызға назар аударыңыз. Біз бұл ақпараттың барлығын сұрамауымыз да мүмкін, оны әлеуметтік желі жеткізушісі «әлеуметтік желі арқылы кіру» опциясын пайдалану арқылы автоматты түрде ұсынады. Осыған қарамастан, біз тек қана есептік жазбаны жасау үшін қажетті ақпаратты пайдаланамыз және белгілі бір басқа ақпаратты алғаннан кейін қажетсіз деректерді жоямыз. Есептік жазбаны жасағаннан кейін сіз бізбен бөліскіңіз келген және бронь жасауға қажетті кез келген ақпаратты қоса аласыз.

7. Біз жинайтын және өңдейтін үшінші тараптар туралы деректер (Сатып алушылар / Жолаушылар / Клиенттер туралы). Егер сіз брондау қызметін жасасаңыз және / немесе үшінші тұлғалардың атынан немесе олардың мүддесінде төлемдер жасасаңыз, осы үшінші тұлғалар туралы ұсынатын ақпаратыңыз Агенттікпен сіздің дербес деректеріңізге қолданылатын шарттарға сәйкес жиналады және өңделеді. Үшінші тұлғалар туралы осындай ақпарат беру арқылы сіз осындай үшінші тараптың осы шарттармен танысып, олардың салдарларын түсінетінін, сондай-ақ осы шарттарға сәйкес оның дербес деректерін жинауға және өңдеуге сөзсіз және толық келісім беретінін және осындай ақпаратқа Сіздің Есептік жазбаңыздың бөлімі арқылы қол жеткізуге болатындығымен келісетінін растайсыз.

8. Кәмелетке толмағандар туралы деректер жинау. 18 жасқа толмаған болсаңыз, сізге осы Веб-сайтты пайдалануға рұқсат берілмейді және одан дереу шығуыңыз қажет. Бұл Веб-сайт кәмелеттік жасқа толмаған пайдаланушылар туралы ақпаратты жинауға немесе пайдалануға немесе ата-аналарының келісімінсіз балаларға қызмет туралы ақпаратты жарнамалауға арналмаған. Агенттік кәмелеттік жасқа толмағандардың дербес деректерін олардың ата-аналары немесе заңды өкілдері ұсынған жағдайда ғана және тек қана бронь жасау мақсатында өңдейді. Агенттік Веб-сайтты кәмелетке толмағандар пайдаланғандығы немесе олардың дербес деректерін ұсынғандығы туралы хабардар болған жағдайда немесе олардың дербес деректерін жою үшін ата-аналарының немесе заңды өкілдерінің өтініштері келіп түскен жағдайда мұндай ақпарат ақылға қонымды уақыт ішінде жойылады және Агенттік кәмелетке толмағандардың дербес деректерін сақтау және өңдеуді болдырмау үшін бар күш-жігерін салады.

9. Деректерді автоматты түрде жинау және Cookie-файлдар. Көптеген Веб-сайттар мен мобильдік қосымшалар сияқты біз, қызметтеріміз бен Веб-сайт жұмысын оңтайландыру мақсатында сіз пайдалануға рұқсат берген жағдайда (мысалы, Веб-сайтымыздағы баннер арқылы немесе Веб-сайтты қайта пайдалану кезінде), сіз туралы автоматты түрде ақпарат жинауды, cookie-файлдарды және әлеуметтік желілердің бағдарламалық кеңдіктерін пайдаланамыз.   

Осы Веб-сайтты пайдаланған кезде ақпарат автоматты түрде сіз қолданып отырған құрылғыда жиналады, мысалы, бағдарламалық қамтамасыз ету, операциялық жүйе, IP адрес, сілтемелер және осы Веб-сайт көзі, сіз басқан веб-беттер, осы Веб-сайтқа кіру үшін пайдаланған сілтемелер және т.б. (өңделетін деректер санаттары туралы мәліметтерді жоғарыдан қараңыз). Деректерді осылай автоматты түрде жинау сізге арналған ұсыныстарды, сондай-ақ ықтимал алаяқтық әрекеттерді болдырмау мақсатында Веб-сайт қызметтерін пайдалануды үйлестіру мақсатында жүзеге асырылады..

Веб-сайтқа кіру үшін әлеуметтік желілерді пайдалансаңыз, біз осындай қызметтерді жеткізушілермен ақпаратты ұсыну ережелеріне, және де сізбен келісілген құпиялылық саясатының шарттарына сәйкес осындай әлеуметтік желілерден сіздің деректеріңіз бен қызығушылықтарыңыз туралы мәліметтерді ала аламыз.  

Кейбір деректерді автоматты түрде жинау және «cookie» мен «web beacon» технологиясын пайдалану Веб-сайт міндеттерін және Веб-сайт қызметтерін пайдалану ыңғайлығын жақсартады, сондай-ақ жарнамалық және маркетингтік науқандардың іске асырылуын бағалауға және сіз үшін қызықты әрі пайдалы болуы мүмкін ақпаратты ұсынуға көмектеседі.

10. Google Analytics. Біз веб-аналитиканың құралы болып табылатын Google Analytics-ті пайдаланамыз, ол келушілердің біздің Веб-сайтымызбен өзара әрекеттесуін түсінуге көмектеседі. Google Analytics-та келесі деректер жиналады: браузер, құрылғы түрі, құрылғы үлгісі, орналасуы, ел, қала, қызмет жеткізушісі, экранның ажыратымдылығы (ұялыда), сайтта отыру уақыты, тілі, операциялық жүйе, сайттағы кірген беттер туралы. Ақпарат веб-сайтты пайдалану туралы cookie-файлдармен өндірілген (соның ішінде пайдаланушының IP адресі), Google Еуропадан тыс орналасқан серверлерде (мысалы, АҚШ-та) сақталуы мүмкін. Google Веб-сайтты пайдалануды зерттеу, Веб-сайт қызметі туралы есептер дайындау және басқа қосымша қызметтерді ұсыну үшін ақпаратты пайдаланады. Google бұл ақпаратты үшінші тұлғаларға бере алады, егер ол Google компаниясынан заңды түрде талап етілсе немесе Google атынан ақпаратты өңдеген жағдайда.

Google Analytics cookie-файлдарының қызметі 730 күннен кейін аяқталады (әдепкі мән) және оларды қолмен жоймайынша, олар осы уақытта сіздің құрылғыңызда сақталады.

11. Әлеуметтік Желілердің Бағдарламалық Кеңейтімдері. Егер сіз біздің Веб-сайтымызда қолданылатын әлеуметтік желілермен өзара әрекеттесетін болсаңыз (мысалы, Ирландияда Facebook Ireland Ltd берген «Like» батырмасы, АҚШ-та Twitter Inc ұсынылған «Twitter» батырмасы немесе АҚШ-та  Instagram, LLC арқылы ұсынылған «Instagram» батырмасы) немесе бағдарламалық кеңейтуді қамтитын Веб-сайтта контентке қол жеткізген жағдайда, сіздің құрылғыңыз тиісті әлеуметтік желі операторының серверлеріне тікелей байланыс орнатады. Біздің білуімізше әлеуметтік желі операторлары өздерінің бағдарламалық кеңейтімдері арқылы Веб-сайтымызды қалай пайдаланатыныңыз туралы, яғни операциялық жүйеңіз, браузеріңіз, IP адресіңіз, қазіргі кезде қандай контентке іздеу жүргізілетіні, алдында қандай контентке іздеу жүргізілгендігі, сонымен қатар контентті көру күні / уақыты туралы ақпаратқа қол жеткізе алады. Бұл ақпарат әлеуметтік желі операторына сіздің пайдаланушы ретіндегі әрекетіңіз туралы профиль жасауға және бұл ақпаратты әлеуметтік желідегі сәйкес профильге қосуға мүмкіндік береді. Осындай профиль сіз тіркелмеген немесе әлеуметтік желіге кірмеген болсаңыз да, сізге қолайлы болуы мүмкін.  

Бізде әлеуметтік желідегі бағдарламалық кеңейтімдерді жеткізушілер тарапынан үшінші тұлғалармен берілетін немесе пайдаланатын деректердің мазмұны туралы толық ақпарат жоқ екенін ескеріңіз. Бұл ақпаратты алу үшін тікелей тиесілі әлеуметтік желі операторына жүгініңіз және дербес деректерді жинау және ауыстыру, сізде қандай құқықтар бар немесе құпиялылықтың қанағаттанарлық баптамаларын алу туралы толық ақпарат алу үшін олардың құпиялылық саясатын оқыңыз. Егер сіз мұндай деректерді жібергіңіз келмесе, біздің платформаны пайдалану алдында әлеуметтік желіден шығуды ұсынамыз.

12. Сіздің деректеріңіз бен үшінші тұлғалар туралы деректерді қалай қолданамыз? Біз сіздің дербес деректеріңізді тапсырыс берген қызметтерді ұсыну үшін; сізбен тапсырыс берілген қызметтер бойынша байланысу және брондауыңызды растауды жіберу үшін; броньдауыңызды өңдеу және редакциялау үшін; Веб-сайтты және Веб-сайт қызметін пайдалану кезінде қолдау мен клиенттерге қызмет көрсетуді қамтамасыз ету үшін; қолданыстағы және болашақ қызметтер мен ұсыныстар туралы ақпарат беру үшін, егер сіз осындай рұқсатты берген болсаңыз; Веб-сайттың функционалдығын және сапасын жақсарту үшін; сіздің өтініштеріңізге және түсініктемелеріңізге жауап беру үшін; егер сіз біздің адалдық бағдарламамыздың мүшесі болсаңыз, бонустарды есептеу үшін; біздің сауалнамаларға қатысуға және кері байланысты қамтамасыз етуге ынталандыру үшін; сіздің қызығушылығыңызды оятатын қыметтерді анықтау үшін; шағымдарыңызды қарастыру үшін; сізге ықтимал заңсыз әрекеттер туралы хабарлау үшін; Пайдаланушы Келісімінің шарттарын орындауға байланысты туындауы мүмкін кез келген мәселелерді шешу үшін; сондай-ақ сізге хабарлап отырып, біздің келісімшарттық міндеттемелерімізді орындау үшін қажетті кез-келген басқа мақсаттарды орындау үшін пайдаланамыз. Төлем картасының деректері біздің Веб-сайтымызда жасалған брондаудың төлемін растау үшін пайдаланылады.

Дербес деректеріңізді толық ұсынбаған болсаңыз, қызметтердің көрсетілуі мүмкін емес болатындығын ескеріңіз.

Сіздің тікелей келісіміңізді алғаннан кейін біз сізге мерзімді электрондық хабарламаларды (жарнамалық хабарламаларды) жіберу үшін, сондай-ақ қызметтеріміз туралы push-хабарламаларды, арнайы ұсыныстар, жарнамалық акциялар және қосымша қызметтер туралы хабарлар жіберу үшін дербес деректеріңізді (атыңызды, электрондық поштаңыздың мекенжайын және теңшелімдеріңізді) өңдейміз.

Агенттік Сізге қызмет көрсетудің ең жоғары деңгейін қамтамасыз етуге ұмтылады. Сондықтан сіздің келісіміңізді алғаннан кейін сізді брондау мәртебесі туралы электронды пошта арқылы хабарлай аламыз және / немесе сізді қызықтыратын және сіз таңдаған қызметтерге қатысты болуы мүмкін біздің Веб-сайтымыздағы ұсыныстар тізімімен таныстыра аламыз. Мұндай хабарламаларды алғыңыз келмесе, олардан тиісті опцияны таңдау арқылы бас тартуға болады

13. Сіздің деректеріңізді аудару. Сіздің таңдаған және брондаған қызметтеріңізді дұрыс ұсыну үшін қаншалықты қажет болса, біз сіздің дербес деректеріңізді төменде көрсетілгендей үшінші тұлғаларға береміз, өйткені қызметтер осындай аударымсыз ұсыныла алмайды.

Агенттік сіздің дербес деректеріңізді төмендегі субъектілерге, таңдалған немесе брондалған қызметтерді ұсыну үшін қанша қажет болса, соншалықты аударуға құқылы:

• Сіз брондаған қызметтерді ұсынатын қызметтер операторларына, мысалы, қонақ үйлерге, әуекомпанияларына және т.б. Үшінші тұлғалар ұсынған осы Веб-сайттағы барлық қызметтер біздің Веб-сайтымызда тиесілі түрде белгіленеді. Біз Агенттік арқылы брондаған қызметтерді ұсыну үшін қажет болған жағдайларды қоспағанда, операторларға электрондық пошта мекен-жайын бермейміз. Олар мұндай деректерді тек осы мақсатта пайдалануға құқылы. Осыған қарамастан, біз осы Веб-сайтқа брондаған қызметтерді ұсынатын әрбір оператордың деректерді қорғау саясатын қарап шығуды ұсынамыз. Осындай операторлар сіз туралы қосымша ақпарат алу, қызмет көрсетулерді брондау кезінде көмек көрсету немесе сіздің пікірлеріңізге кері байланысты қамтамасыз ету мақсатында сізбен хабарласа алатынын ескеріңіз. Атап айтқанда, ақаулық туындаған жағдайда әуе тасымалдаушылары сізбен хабарласу қажет болған жағдайда, Сіз Агентікке адресіңізді және / немесе ұялы телефон нөміріңізді әуе тасымалдаушыларына беруіне сөзсіз келісім беруіңізді мойындайсыз және келісесіз.;
  
• Қызметтер ұсынатын және біздің атымыздан әрекет ететін тәуелсіз операторларға (қызметті жеткізушілер), төлем картасының деректерін өңдейтін операторларға, бизнес сарапшыларына, клиенттермен жұмыс істейтін менеджерлерге, маркетологтарғе, сауалнамаларды немесе басқа ұсыныстарды тарататын және төлемдермен алаяқтық әрекеттерді болдырмауға жауап беретін сарапшыларға. Біз сондай-ақ тәуелсіз операторларға біздің Веб-сайтымыздың қалыпты жұмыс істеуі немесе сізге қызықты болуы мүмкін сұхбаттық хабарлар жіберу үшін қажет болса, біздің атымыздан деректерді пайдалануға рұқсат ете аламыз. Тәуелсіз операторлар өздерінің жұмысы үшін қажетті ақпаратты алуға және жинауға мүмкіндік алады. Оларға осындай деректерді жіберуге немесе оларды басқа мақсаттарға немесе өз мақсаттарына пайдалануға жол берілмейді. Олар деректерді сақтаудың бірдей шарттарын ұстануға міндетті;
• Сіз өз келісіміңізді берген дәрежеде, біздің Веб-сайтымызда бірлесіп өнімдер мен қызметтерімізді ұсынатын немесе олардың өнімдері мен қызметтерін ұсынатын бизнес-серіктестерге. Сіз сұранысты жіберген қызметтердің белгілі бір тәуелсіз компанияға тиесілі екендігін әрдайым көре аласыз. Бұл жағдайда тек іскерлік серіктестің атауы ғана немесе біздің атымызбен бірге көрсетіледі. Егер сіз олардың қызметтерін қабылдайтын болсаңыз, біз сіздің ақпаратыңызды іскерлік серіктеске жіберуіміз мүмкін. Мұндай серіктестердің деректерді қорғау саясатын ұстануын бақыламайтындығымызды ескеріңіз
• Сондай-ақ, Сіздің дербес деректеріңізді Агенттіктің еншілес компанияларына немесе Агенттік тобының құрамына кіретін компанияларға, өкілдерімізге, лауазымдық қызметкерлерге, агенттерге, топтың қызметкерлеріне немесе серіктестеріне қызметтерімізді ұсыну үшін қажетті дәрежеде бере аламыз.

Сіздің дербес деректеріңізді сақтау және өңдеу жұмысы Агенттіктің меншігі болып табылатын немесе жалға алынған серверлер мен көздерде әлемнің кез келген елінде болуы мүмкін (Еуропалық Одақтың немесе Еуропалық экономикалық аймақтың, АҚШ, Канада елдерін қоса алғанда, бірақ олармен шектелмей) операторлармен немесе тәуелсіз мердігерлермен жүзеге асырылуы мүмкін.   

Сіз өзіңіздің дербес деректеріңіз АҚШ-ға да жіберілуі мүмкін екендігін оқып, келісесіз. Кез-келген деректерді трансшекаралық беру, Пайдаланушылар Келісімін, осы ережелерді сақтауға және тапсырыс берілетін қызметтерді қамтамасыз етуге қажетті деректер мен алушылар санаттарымен шектеледі.

15. Дербес деректерді қалай қорғаймыз? Біз Веб-сайтымызға кіру және пайдалануды мүмкіндігінше қауіпсіз ету үшін бар күш-жігерімізді саламыз. Сондықтан деректердің құпиялылығын және қауіпсіздігін қамтамасыз ету үшін IKS-тың 25-параграфын, сондай-ақ GDPR-дегі 32-бапты ұстанамыз.

16. Сіздің құқықтарыңыз. 19-параграфқа және одан әрі IKS-ге, сондай-ақ 14-бапқа және одан әрі GDPR-ге сәйкес дербес деректеріңізді орналастыруға, өзгертуге және жоюға, сондай-ақ деректерді беруге құқығыңыз бар. Мұндай жағдайда, Қолдау Қызметіне хабарласыңыз немесе сұрауыңызды Агенттіктің мекен-жайына жіберіңіз.

17. Түзетулер. Агенттік өз қалауы бойынша кейде құпиялылық саясатына түзетулер енгізуі мүмкін. Агенттік түзетулерді Веб-сайтқа жариялайды. Агенттік Сізге осы Шарттарға енгізілген қандай да бір түзетулер туралы хабарлауға міндетті емес. Түзетулер жарияланған күнінен бастап күшіне енеді. Сіз осы Веб-сайттағы жаңартуларды өз бетіңізше бақылап отырасыз. Түзетулерді жариялау күнінен кейін осы ережелерді тікелей қабылдауыңыз және / немесе Веб-сайтты пайдалануыңыз түзетулер енгізілген саясатты толығымен және сөзсіз қабылдағаныңыздың дәлелі екенін мойындайсыз және келісесіз. Өзгертілген құпиялылық саясатын қабылдамаған жағдайда, Веб-сайтты пайдалануды тоқтатуыңыз қажет.

18. БАЙЛАНЫС АҚПАРАТЫ

«ТИКЕТС КЗ» ЖШС
Заңды мекен-жайы: Қазақстан Республикасы, Алматы қаласы, 050000, Әл-Фараби даңғылы, 17, т.е.үй 5д, "Нұрлы Тау" ӨҚҚ, 4Б блок, 5 қабат
Бизнес-сәйкестендіру нөмірі: 150440006398
Телефон: +7 (727) 364 50 00 (тәулік бойы, Сіздің байланыс операторыңыздың тарифтеріне сәйкес)
Әуе билетін қайтару/ауыстыру/өзгерту мәселелері бойынша: [email protected]
Даулы мәселелер, наразылықтар: [email protected]
Төлем мәселелері бойынша: [email protected]
Теміржол билеттері бойынша: [email protected]
Басқа мәселелер бойынша: [email protected]

Құпиялылық саясатының бұл нұсқасы 2018 жылғы 13 шілдеден бастап күшіне енеді.

© TICKETS.KZ. Барлық құқықтар сақталған.